GATE 2026 ഫോട്ടോ, ഒപ്പ് നിർദേശങ്ങൾ: GOAPS സ്ഥാനാർഥി ലോഗിനിൽ അപ്‌ലോഡ് ചെയ്യേണ്ട രേഖകൾ

ഗ്രാജുവേറ്റ് ആപ്റ്റിറ്റ്യൂഡ് ടെസ്റ്റ് ഇൻ എൻജിനീയറിംഗ് (GATE) 2026-ന്റെ അപേക്ഷാഫോം ആഗസ്റ്റ് 25 മുതൽ ഔദ്യോഗിക വെബ്സൈറ്റിലെ GOAPS Candidate Login 2026 പോർട്ടലിലൂടെ ലഭ്യമാകും. രജിസ്ട്രേഷൻ പ്രക്രിയക്ക്, സ്ഥാനാർഥികൾ ആദ്യം പോർട്ടലിൽ അക്കൗണ്ട് സൃഷ്ടിക്കേണ്ടതാണ്.

സെപ്റ്റംബർ 25 വരെ സാധാരണ ഫീസ് നൽകി അപേക്ഷ സമർപ്പിക്കാം. ഒക്ടോബർ 6 വരെ വൈകിയ ഫീസ് നൽകി അവസരം ലഭിക്കും. അപേക്ഷാഫോം പൂരിപ്പിക്കുന്നതിന് മുമ്പ്, ആവശ്യമായ എല്ലാ രേഖകളും വിവരങ്ങളും സ്ഥാനാർഥികൾ തയ്യാറാക്കി വെക്കണമെന്ന് അധികൃതർ അറിയിച്ചു.

IIT ഗുവാഹത്തി പുറത്തിറക്കിയ മാർഗ്ഗനിർദേശങ്ങൾ പ്രകാരം അപേക്ഷ നൽകുന്ന സ്ഥാനാർഥികൾക്ക് നിർബന്ധമായും ചില രേഖകളും ഫോട്ടോ–സിഗ്നേച്ചർ ഫോർമാറ്റുകളും പാലിക്കേണ്ടതുണ്ട്.

◼ അപേക്ഷയ്ക്കായി ആവശ്യമായ രേഖകൾ:

▪ പാസ്പോർട്ട് സൈസ് ഫോട്ടോയും ഒപ്പും
▪ സാധുവായ ഐഡി പ്രൂഫ്
▪കാറ്റഗറി സർട്ടിഫിക്കറ്റ് / ഡിസ്ലെക്സിയ സർട്ടിഫിക്കറ്റ് / PwD സർട്ടിഫിക്കറ്റ് (പിഡിഎഫ് ഫോർമാറ്റിൽ)
▪OBC–NCL, EWS സ്ഥാനാർഥികൾക്ക് വിഭാഗ സർട്ടിഫിക്കറ്റ് അപ്‌ലോഡ് ചെയ്യേണ്ടതില്ല.

◼ ഫോട്ടോ നിർദ്ദേശങ്ങൾ

▪നിറത്തിലുള്ള പാസ്പോർട്ട് സൈസ് ഫോട്ടോ (3.5 × 4.5 സെ.മീ.), മുഖം 60–70% ഭാഗം കവരണം.
▪സാദാ പശ്ചാത്തലത്തിൽ, മുഴുവൻ മുഖവും (നെറ്റി, കണ്ണുകൾ, മൂക്ക്, ചുണ്ടു) വ്യക്തമായി കാണുന്ന വിധം.
▪തൊപ്പി, സൺഗ്ലാസ്, കറുത്ത കണ്ണട അനുവദനീയമല്ല; സാധാരണ കണ്ണട അനുവദനീയമാണ്.
▪JPEG/JPG ഫോർമാറ്റ്; ആസ്പെക്ട് റേഷ്യോ 0.66–0.89.
▪റെസല്യൂഷൻ: 200×260 (കുറഞ്ഞത്) മുതൽ 530×690 (പരമാവധി); സൈസ് 5kB–600kB.
▪മുഖം വ്യക്തമായിരിക്കണം; മറച്ചോ നിഴലിലോ ആകരുത്.
▪മതപരമായ കാരണങ്ങളാൽ തലമൂടി അനുവദനീയമാണ്, പക്ഷേ മുഖം പൂർണ്ണമായും തെളിഞ്ഞിരിക്കണം.
▪തെറ്റായ ഫോട്ടോ നൽകിയാൽ അപേക്ഷ നിരസിക്കപ്പെടും, ഫീസ് തിരികെ ലഭിക്കില്ല.

◼ സിഗ്നേച്ചർ നിർദ്ദേശങ്ങൾ

▪JPG/JPEG ഫോർമാറ്റിൽ അപ്‌ലോഡ് ചെയ്യണം.
▪ആസ്പെക്ട് റേഷ്യോ 1:R (R = 2.75–3.75).
▪ഒപ്പ് ചിത്രത്തിന്റെ 70–80% ഭാഗം കവരണം; കറുപ്പ് അല്ലെങ്കിൽ ഇരുണ്ട നീല നിറത്തിൽ മാത്രം.
▪ഫയൽ സൈസ്: 3–300 kB.
▪റെസല്യൂഷൻ: 250×80 (കുറഞ്ഞത്) മുതൽ 580×180 (പരമാവധി).
▪അപേക്ഷകന്റെ സ്വന്തം ഒപ്പായിരിക്കണം.

◼അംഗീകരിച്ച ഐഡി പ്രൂഫ്

▪ഇന്ത്യൻ സ്ഥാനാർഥികൾക്കായി – ആധാർ UID/ആധാർ വെർച്വൽ ഐഡി, പാസ്പോർട്ട്, പാൻ കാർഡ്, വോട്ടർ ഐഡി, ഡ്രൈവിംഗ് ലൈസൻസ്
▪അന്താരാഷ്ട്ര സ്ഥാനാർഥികൾക്കായി – പാസ്പോർട്ട്/സർക്കാർ അനുവദിച്ച ഐഡി/ഡ്രൈവിംഗ് ലൈസൻസ്.

അപേക്ഷ നിരസിക്കപ്പെടാതിരിക്കാനായി സ്ഥാനാർഥികൾ രേഖകൾ, ഫോട്ടോ, ഒപ്പ് എന്നിവ കൃത്യമായ മാർഗ്ഗനിർദേശങ്ങൾ പ്രകാരം അപ്‌ലോഡ് ചെയ്യണമെന്ന് അധികൃതർ മുന്നറിയിപ്പ് നൽകി.