എസ്.ഐ.ആർ. ഡ്യൂട്ടിക്ക് കുട്ടികളെ നിയോഗിച്ചാൽ പഠനം തടസ്സപ്പെടും: വി. ശിവൻകുട്ടി

സ്പെഷ്യൽ ഇൻ്റൻസീവ് റിവിഷൻ (എസ്.ഐ.ആർ.) ഡ്യൂട്ടിക്കായി സ്കൂൾ വിദ്യാർത്ഥികളെ ഉപയോഗിക്കാനുള്ള നീക്കം വിവാദത്തിൽ. പരീക്ഷകൾ അടുത്തിരിക്കെ ഇത്തരം പ്രവർത്തനങ്ങൾക്കായി വിദ്യാർത്ഥികളെ ഉപയോഗിക്കുന്നത് അവരുടെ പഠനത്തെ ബാധിക്കുമെന്നും അതിനാൽ ഇത് അംഗീകരിക്കാനാവില്ലെന്നും വിദ്യാഭ്യാസമന്ത്രി വി. ശിവൻകുട്ടി പറഞ്ഞു. എസ്.ഐ.ആർ. ജോലികൾ സമയബന്ധിതമായി പൂർത്തിയാക്കുന്നതിനായി എൻ.എസ്.എസ്./എൻ.സി.സി./സ്കൗട്ട്/ഗൈഡ്/സൗഹൃദ/വളണ്ടിയർമാർ എന്നിവരിൽ ഉൾപ്പെട്ട വിദ്യാർത്ഥികളുടെ പട്ടിക നൽകാൻ തഹസിൽദാരും മറ്റൊരു ഡെപ്യൂട്ടി കളക്ടറും ഉത്തരവിറക്കിയതാണ് ഈ വിവാദങ്ങൾക്ക് തിരികൊളുത്തിയത്. പരീക്ഷകൾ അടുത്തിരിക്കുന്ന സമയത്ത് കുട്ടികളെ ഇത്തരം ജോലികൾക്ക് നിയോഗിക്കുന്നത് അവരുടെ പഠനത്തെ തടസ്സപ്പെടുത്തും. എസ്.ഐ.ആർ. ഡ്യൂട്ടിക്ക് 10 ദിവസത്തേക്ക് പോലും കുട്ടികളെ നിയോഗിച്ചാൽ അത് അവരുടെ പഠനത്തെ ബാധിക്കുമെന്ന് വിദ്യാഭ്യാസമന്ത്രി ചൂണ്ടിക്കാട്ടി.